Stokkseyri
  Stokkseyri er notalegt þorp sem er þekkt fyrir fuglalíf og stórbrotna og fagra fjöru við enda Þjórsárhrauns þar sem skiptast á sker, flúðir, lón og rásir. Öflugt lista- og menningarlíf er á Stokkseyri, vinnustofur, gallerý og söfn. Þar er að finna drauga, álfa og norðurljós, uppstoppuð dýr og skemmtigarð fyrir fjölskylduna, sem og kajakaferðir á dælum eða sjó. Verslun, veitingahús og gisting í boði. Þuríðarbúð er endurgerð sjóbúð sem lýsir vel aðbúnaði verbúðafólks á árum áður. Austan við Stokkseyri er Knarrarósviti en stíll vitans er athygliverð blanda af fúnkis og art nouveau stefnum í arkitektúr.

Meiri upplýsingar um Stokkseyri er hægt að finna á vefsíðunni www.stokkseyri.is